Shillong, Risaw 09
Ka Joint Action Committee kaba pyrshah ïa ka projek shna ‘Ropeway’ ha Laban, ka la pynbna ba ïa ka ‘Peaceful Rally kaba la buh ban pynlong ha ka 10 tarik u Risaw 2026, la pynkynriah noh sha ka 17 tarik Risaw 2026.m
Ka Joint Action Committee ka la pyntip ïa kane sha ki paidbah, ki nongshong shnong ka Nongbah Shillong, ki nongkyrshan, bad ïa baroh kiba sngewkhia halor katei ka mat, ba ïa ka ‘Peaceful Rally’ kaba la buh ha ka 10 tarik, la pynkynriah noh sha ka 17 tarik u Risaw 2026. Kumba la kdew, ïa kane ka ‘rally’ yn pynlong da kaba jai jai ban pynpaw ïa ka jingsngewkhia jong ki paidbah ha kaba ïadei bad ka jingthmu ban shna ïa ka Shillong Peak Ropeway Project bad ban pynkynmaw biang ban long ka jingïada bad pynneh pynsah ïa u Lum Shillong. Ha katei ka ‘rally’, ka 17 tarik Risaw 2026 (Sngi Saitjaiñ), la pyntip ba kan sdang ha ka por 10:00 baje mynstep shaneng. Ka lynti ïaid rally kan long na Last Stop, Market Main Road Shillong Peak Ropeway Project Site, Madan Laban.
Kumta na ka liang ka JAC ka kyrpad ïa baroh ki para nongshong shnong, ki nongkyrshan, ki riew rangbah, ki samla, ki paidbah kiba sngewkhia halor kane ka mat, ba kin shimkhia ïa kane ka tarik ba la pynkynriah bad ban ïashim bynta ha ka rukom kaba jai-jai.
