Shillong, Risaw 11
U President jong ka VPP, u Bah Ardent Miller Basaiawmoit u la ong ba um don jingartatien satia ba ka shuki MP ha kane ka ilekshon shiteng samoi, kan wan phai biang sha ka Voice of the People Party, kaba la jop ha u 2024.
Ia kane u Bah Ardent u la kren ha ka jingïalang kitbok kit rwiang ïa u kyrtong MP Lok Sabha n ka party, u Dr.Batskhem Myrboh, kaba la long ha madan Polo.
“Mynshuwa por ba pynbna ïa u symbol ka seng ha madan Polo, ngi shna ïa ka rynsan ba shong ki nongïalam kaba tang shiteng, hynrei mynta pat la ïoh ban shna da kaba kham heh namar la bun ki MLA bad MDC,” u la ong.
U la long ruh ba haduh ban poi u snem 2028 lei, la hap shna da ka rynsan ba jrong kat ka rel, namar u paidbah u la sdang shaniah bad shon jingieid ïa ka party.
“Ngi don ym tang 4 ngut ki konstitwensi kiba la pynjop MLA ïa ngi, hynrei ngi la don 26 ngut ki MDC u wei u MP, bad ngi kyrmen ba ka shuki MP shiteng samoi ruh kan dangwan beit sha ka party,” la ong u Bah Ardent. Da kaba bynrap ba um don ka jingartatien, namarkata u ong ba hap ban kam trai.
