Shillong, Risaw 12
Ha ka 11 tarik u Risaw, 2026, (sngi U Blei), ka la saphriang kawei ka durkhih ha ki rynsan social media kaba la pyni ïa ka jingshah shoh u wei u khynnah ha ka rukom kaba la i tohmet bha, ha ki katto-katne ngut kiwei pat ki khynnah, kaba lah ban ïohi ba don ruh kiba la kah dur ïalade da ka mask.
Haba wad bniah halor katei ka durkhih kaba la saphriang la ïoh jingtip, ba kane ka jingjia kadei kaba la jia ha kawei ka shnong kaba don ha Nongbah Shillong myn ha ka 09 tarik Risaw, 2026, hapdeng ki khynnah skul jong ar tylli ki skul kiba na katei hi ka shnong.
Ha ka jingwad jingtip, la ïoh lum ba kine ki khynnah kidei kiba dang hapoh ka 18 snem ka rta bad kiba dang ïa leit skul bad la pyntip, ba ka jingïakynad ka la mih namar ba uwei u khynnah, u la khot sin kharïong ïa u wei pat u khynnah.
La ïathuh ruh ba namar kine ki khynnah kidei kiba dang hapoh ka 18 snem suda bad kumta na ka liang ki nongpynïaid shnong, ki la aiti ha ki bor ba dei khmih ban bishar ïa kane ka kam.
Ha kawei ka liang la ïoh jingtip, ba ha kane ka jingjia, ki don kiba la mynsaw kaba na ka liang ki kmie ki kpa jong baroh ar liang ki la poi sha ka jingïasuk bad khlem da treh ban ujor ejahar, hynrei ban pynlut ïa ka bai sumar bad kiwei-kiwei de ki jingdonkam.
