Shillong, Risaw 13
U Samla Celestine Ronghang, Assistant General Secretary ka Khasi Students’ Union (KSU) Shillong Mihngi Circle u la kyntu ïa ka Sorkar Jylla ban pyllait noh ïa ki 6 ngut ki nongïalam ka seng kiba la shah kem.
“Kam myntoi ban shu bat sah ha along, namar kim shym la leh ïa kata ka kam pynhuri hura hynrei la shu shah shim kabu tang namar ba kadei ka rally ba pynïaid ka seng,” u la ong.
U la ong ruh, ba lada ki set ha along ïa kita ki 6 ngut ki nongïalam, hynrei shabar ka along ki don da ki phew hajar ki nongïalam.
“Ka KSU kam ju duh ïa ki nongïalam ba shyrkhei, kiba eh mynsiem na ka bynta ka dawbah jong ka ri bad ka jaidbynriew. Ngi kyntu ba ka Sorkar kadei ban pynkut noh ïa kane ka kam,” la ong u Samla Celestine.
