Shillong, Risaw 13
Ka kynhun SYNAPES na MIT University of Meghalaya ka la ïoh ïa ka kyrdan ba nyngkong ha ka Chief Minister’s Business Catalyst Challenge (CMBC), kaba la pynlong ha IIM Shillong, bad ka la khur ïa ka khusnam pisa kaba T. 1 lak.
Ka projek jong ki, kaba la tip kum ka TYNRAI, ka dei ka digital platform ban pynneh bad kyntiew ïa ka jingstad tynrai, ka kolshor bad ka pateng ba kordor jong ki jaitbynriew trai ri ka Meghalaya.
Ïa kane ka jingjop la ïoh ha ka jingïadonlang u Myntri Rangbah ka Jylla, u Conrad K. Sangma.
Kane ka jingjop ka pyni ïa ka jinglah jong ki samla ban pynkylla ïa ki jingmut kiba tynrai ha ka kolshor sha ki jingthaw thymmai kiba lah ban wanrah ïa ki lad kamai bad ka jingroi ha ka kam khaii pateng.
