Shillong, Risaw 16
Ki paidbah nongkyrshan ka Voice of the People Party (VPP) na Pyndenumsaw, Mawkyrwat, ha ka miet jong ka sngi Thohdieng, ki la ïa noh synñiang mon sngewbha da ka pisa sha u kyrtong MP shiteng samoi sha Lok Sabha, kata u Dr. Batskhem Myrboh.
Kane ka jingnoh synñiang ki paidbah ha man la ki jaka ba pynlong jingïalang ka VPP, ka dei ba ki sngewieid ïa la u kyrtong ka VPP, u ban sa aireng ha kane ka ilkeshon MP shiteng samoi.
La sakhi ruh ba ki paidbah nongkyrshan ka VPP ha kane ka miet ki la wan poi da ki spah ngut ha katei ka jingïalang.
Kane ka jingïalang ka seng, ka long kum shibynta jong ka jingpynkhreh ïa ka ilekshon MP shiteng samoi sha Lok Sabha, ka ban sa long shen, hadien ba u MP barim na ka VPP u Dr.Ricky AJ Syngkon u la khlad noh kyndit na ka sla pyrthei.
Dangshen ka VPP ka la pynlong ïa ka jingïalang na baroh ki konstitwensi ha madan Polo, ban kitbok kitrwiang ïa u kyrtong ka VPP, u Dr. Batskhem Myrboh ban ïakhun ïa kane ka ilekshon shiteng samoi ban wan.
