Shillong, Risaw 19
Ka Lum Jyntep Komiti jong ka Visitation Church Mawprem Parish ka pyntip sha ki para bangeit ba ka jingkyrkhu lum jyntep ka Mawprem kan long ha ka 15 tarik u Naiwieng (November) 2026, ha ka por 1:30 PM noh phai sngi.
Ha ka kyrwoh ba la phah da u Bah Arrestone Thabah, Secretary Lum Jyntep Committee Mawprem Parish u la pyntip ba ka komiti ka la buh ïa ka jingpynkhuid paidbah bad shah naduh ka 01 tarik u Naiwieng 2026 haduh ka 13 tarik Naiwieng 2026. La kyrpad ruh ba ki para bangeit kiba sah hajan ba kin nym rah kali ban suk ka leit ka wan.
La shah ban buh tang ki syntiew im bad yn ym shah ïa ki syntiew plastik bad kot. Yn shah tang ar tylli ki pansngiat syntiew ban buh. La kyrpad ruh ban ym bret ïa ki jaboh ha ki jaka ba la buh dak.
Nangta lada don ki lum bym pynkhuid shuh ka komiti kan shim noh ïa ki bad ai jingpynbna sha Parish shuwa ban pyndam ïa ki bad ai shawei.
