Shillong, Risaw 23
Uwei u briew uba la donkti ban ot da ka tari kaba nep ïa ka ryndang jong u khynnah rit ha u snem 2022, u la shah rai pynrem ha ka ïingbishar bad la hukum ban set 6 snem ha phatok, da ka District and Sessions Court, Shillong.
Une u briew ba la shah rai pynrem u dei uba la tip kyrteng kum u Deepak Debnath.
Katkum ka kyrwoh na u Superintendent of Police ka East Khasi Hills Bah Vivek Syiem, IPS, ïa kane ka case la register ha ka 22 tarik u Nailar, 2022, hadien ba la ïoh pdiang ïa ka ejahar ha Bholaganj P.O.P kaba la kynnoh ba u Debnath u la pyrshang ban shim ïa ka jingim jong u khun shynrang jong une u nongujor.
Ïa ka case la register ha thanad Shella Case No. 24(08)2022 hapoh ka Section 307/326 IPC bad la kem noh ïa u Debnath. Hadien ka jingtohkit bad jingpyndep ïa ka charge-sheet ha ka 10 tarik u Rymphang 2023.
Ha ka 7 tarik u Risaw, 2026, ka ïingbishar jong ka District and Sessions Judge, East Khasi Hills, DR Kharbteng, ka la rai pynrem ïa u Debnath ha ka Sessions Case No. 04(T)2023.
U la shah hukum ban shah set 6 snem ha phatok bad ka shah daiñ kuna T.10,000 hapoh jong ka Section 304 Part II IP, bad ban shong phatok sa shi bnai lada jia ba ym siew ïa ka kuna.
Ïa kane ka jingjia la tohkit da u UBSI R. Ranee bad mynta u don ha Mawdiangdiang OP, Shillong.
