Shillong, Risaw 25
Ka jingïalang jong ka Seng Kur Ki Jaid Swer kaba la long ha ka 17 tarik Risaw 2026 ha Bharat Scout and Guide, ka la ïoh ban jied ïa ki nongkitkam ba thymmai ki ban ïalam ïa ki kam kur shakhmat.
Ha kane ka jingïalang la wan ïashim bynta kumba 300 ngut ki para kur kynthei bad shynrang na kylleng ka Ri Bhoi, East bad West Khasi Hills. La pynïaid ïa ka jingïalang da u Bah Phai Singh Swer bad la ïoh ïa ka jingplie bad ka jingpdiang burom da ka Kong Amelia Swer, la pynsngew ïa ka jingïathuh khana lyngkot halor ka history jong ka Kur Swer na u Bah Aiban Swer.
Ha kane ka sngi la ïoh ruh ka jingpule ïa ka report treikam jong ka samoi treikam kaba rim na u Bah Rapbor Swer bad hadien la ïoh ruh ki jingkren na ki Rangbah bad Longkmie jong ki circle bapher bapher jong ka Seng Kur. Ha kane ka juh ka sngi la don ruh ka jingpyni ïa ki Logo, Motto bad Anthem na ka bynta ka Seng Kur da ki parakur na ki circle bapher bapher.
La ïoh ban jied ïa ki nongkitkam kiba thymmai na ka bynta ka samoi treikam 2026-2028 hapoh ka jingpynïaid u Bah Valentineson Swer kum u Chairman. Ki nongkitkam ki long President Bah Aiban Swer, Vice President Dr. Sukjai Swer bad Bah Ian Onel Swer,
General Secretary Bah Wanlam Kupar Swer, Joint Secretary Bah Paila Swer, Treasurer Bah Rapbor Swer bad la jied ruh ïa ki dkhot ka executive committee kiba long Bah Moon Swer, Kong Hillda Swer, Kong Euginia Swer, Bah Danny Swer, Kong Iahun Swer, Kong Amelia Swer, Bah Phai Singh Swer bad Bah Juban June Swer.
