Mawkyrwat, Naiwieng 01
U Bah Blessingstar Mawlieh uba bat ïa ka kam kum u Organising Secretary jong ka Voice of the People Party (VPP) Mawkyrwat Konstitwensi u la iehnoh ïa ka jinglong dkhot ba pura jong u na ka VPP.
Katkum ka shithi ïehnoh kam kaba u la soi bad phah sha u Secretary ka VPP Sengkmie u la kdew ba u la iehnoh ïa ka kam Organising Secretary bad jinglong dkhot ba pura jong u na ka VPP naduh ka 27 tarik u bnai Risaw, 2026.
Ïa ka daw ka jingiehnoh kam jong u Bah Blessingstar Mawlieh ym shym la lah ban tip hynrei katkum ka shithi u la pynpaw ba ka dei na ka daw shimet jong u.
Kumban shu kdew u Bah Blessingstar Mawlieh u dei u nongïalam bad nongtrei party ba shitrhem ka VPP ha Mawkyrwat naduh ba la sdang ïa ka.
