Shillong, Naiwieng 03
Palat ïa ka shiphew snem hadien ba uwei u samla u la ïap na ka jingshah dung da ka tari ha Shillong, ka ïingbishar kala rai pynrem ïa u nongleh kam bymman bad hukum ban set phatok haduh 5 snem.
Une u runar u dei uba kyrteng u Charles Marbaniang uba la shah tian bishar ha ka ïingbishar District & Session Judge ka B Laitmon, East Khasi Hills, ha ka 22 tarik Risaw, 2026 haba ïadei bad ka jingïap jong u samla kaba la jia ha ka 8 tarik Risaw, 2012.
Ki Pulit ki la ïathuh ba kane ka jingjia kala paw pyrthei hadien ba ki pulit ka Cantonment Beat House kila ïoh ïa ka khubor ba u Charles u la dung tari ïa u para jong u nongmudui ejahar. Une u lanot uba la mynsaw u la khlad noh hadien.
Ïa kane ka case la register ha thanad Sadar hapoh ka kyndon 304 Part-I IPC. Ïa u Charles la kem da ki pulit bad ïa ka charge-sheet la aiti ha ka 1 tarik Naitung, 2013 hapoh ka kyndon 302 IPC.
Ka ïingbishar ka pynpaw ba u Charles u la dep shong phatok lypa shibnai bad 29 sngi. Kumta, mynta un shong phatok sa 4 snem, 10 bnai bad 1 sngi bad siew ïa ka kuna ba T.30,000. Lada um lah ban siew ïa ka kuna un hap ban shong phatok sa lai bnai.
Ïa kane ka case la tohkit da u UBSI R Ranee uba don mynta ha Mawdiangdiang Outpost, Shillong.
