Naduh ba la wan ka niam Khristan ba wanrah u Phareng la phiah ïa ka jaitbynriew jongngi. Ka jingsngewpher hapdeng para khasi ka la rung ha ki shnong ki thaw ka bri u Hynñiewtrep. balei hap ong kumta ka long namar shuwa ka jingwan ka niam Khristan ki tymmen ki ïathuh ba u khun Khasi u imsuk imsaiñ na pneh ka Meimariang. Haba iap briew ki ju ia tep lang ha ujuh u lum jingtep khlem don kano kano ka jingïapher para khasi. Hynrei hadien ba la wan ka niam ka la don ka jingbhah kyrpang ïa kiba long niam ha ka jaka tep tang jong ka balang. Kim ju shah shuh ïa ki bym long niam ne ki bym dei na kajuh ka balang ban tep ha ka jaka tep jong ka balang. Kane ka dei ka jingphiah ïa ka jaitbynriew lyngba ka niam. Haduh mynta ka dang neh kane ka built divide and Rule u phareng. U phareng uba stad ban pynïashrut para briew. Mynta ha kiba bun ki shnong ki thaw ka don la ka jong ka jaka tep, ki ïa tep ha la ka jong ka jaka ba la thied kyrpang ka balang. Ki bym don ha ka malang kim ioh jaka tep lymda kim rung ha ka balang. Kane kam dei ka jingsngewpher niam kaba don haduh kine ki sngi ruh ? Ka jingsngewpher niam kaba don haduh kine ki sngi ruh ? Ka jingsngew jngai para shnong para thaw ka la don haba la ïa don la ka jong ka jong ka jingngeit ne balang. Kam long shuh kum ha kata ka sotti juk kaba u Khasi u ioh ha bym pat wan ka niam nongwei. Mynta ka ka dei ka juk pynpait pynpra ïa ka jingïatylli para briew.
C. B. Iawphniaw
