Shillong, Naiwieng 06
Ka Khasi Students’ Union (KSU) NEHU Unit ha ka 5 tarik u Naiwieng ka la pynlong ïa ka jingïakynduhlang lane ka Fresher’s Meet 2026 jong ki samla pule Khasi hapoh ka Skulbah North Eastern Hill University.
Ha kane ka jingïakynduh lang ki samla pule ha Community Hall NEHU, ka KSU NEHU Unit ka la pynlong ruh ïa ka jingpyntian smai ïa ki nongïalam bathymmai jong ka na ka bynta ka samoi treikam 2026-27 ba kynthup ïa ka samla Ibakordor Marweiñ kum ka President, u samla Ram S. Toi kum u Vice-President, u samla Cheristar Nongdhar kum u General Secretary bad samla Saffya Nongbri kum Assistant General Secretary lem kiwei de. Ha kane ka sngi la wan ban long kongsan da u samla Raymond Kharjana u ba long ruh u President jong ka KSU Seng Kmie, ha ka jingdonlang u samla Jeremiah Pohthmi uba long kum u Asst-General Secretary KSU seng kmie, u Samla Badonbok Malngiang uba long kum u Asst-Sports Secretary Seng kmie, kumjuh ha ka jingdonlang u President ka NEHUSU u samla Menlamlynti Markhap bad la pynïaid ïa ka jingïalang da u samla Sandy Sohtun u ba long kum u Asst-Organising Secretary KSU seng kmie.
Ha kane ka sngi ka KSU NEHU Unit, kum shi bynta ban nang pynshlur bad ai mynsiem ïa ki samla pule ka la pynkup burom ruh ïa ki samla pule kiba la lah ban leh bha ha ki jingpule jong ki, kiba ïoh ‘Gold Medalist’ ha ki tnad pule bapher-bapher kynthup ruh ïa kiba la pyndep ïa ka kyrdan PhD. Ki nongïalam ka KSU NEHU Unit na ka bynta ka samoi treikam 2026-27 ki long ka Samla Ibakordor Marweiñ kum ka President, u samla Ram S. Toi kum u Vice-President, u samla Cheristar Nongdhar kum u General Secretary bad samla Saffya Nongbri kum Asst-General Secretary lem kiwei de.
