Jowai, Naiwieng 09
Ka Khynroo Khyllood Committee jong ka Loompyrdi Iongpiah, Jowai ha ka 7 tarik Naiwieng ka la pynlong ïa ka prokram pynsngewthuh paidbah halor ka phang “Unlocking Internet Opportunities and Promoting Cyber Security for a Safer Community”.
Ïa kane ka prokram la pynlong ha Iungwalieh kaba la shim bynta da ki nongshong shnong bad ki khynnah skul.
Arngut ki riew shemphang kiba la wan ban ai jingbatai ki long ka Kong Dakamanbha Ryngkhlem B.Tech (Information Technology), bad Sub Inspector W. K. Marak.
Haba kren halor ka phang, ka Kong Dakamanbha Ryngkhlem kala batai ïa ka jingdonkam jong ka teknoloji ha ka pateng kaba mynta, da kaba pynpaw ba ka tei ïa ka jingtip bad hikai ïa ki riew shimet lada pyndonkam hok ïa ka.
U Sub Inspector W. K. Marak u la batai ïa ki case kiba ïadei bad ki kam runar ha ka cyber kiba la nangkiew ha ka imlang sahlang.
