Bhopal, Naiwieng:
Ka Rashtriya Swayamsevak Sangh (RSS), ka tyllong jingmut jong ka seng BJP kaba synshar, ka la pyndap 12,025 tylli ki Shakhas man ka sngi bad pynheh ïa ka network jong ki Swayamsevak sha ki 10,241 tylli ki jaka ba la pyndap ha ka snem ba la dap shispah snem jong ka, kaba la pynkut noh da ka tamasa jong ka Vijayadashami.
Haba ai jingtip sha ki nongthoh khubor halor ka RSS Akhil Bharatiya Karyakari Mandal Baithak kaba lai sngi, kaba la pynkut ha Indore ha ka sngi Balang, u Sarkaryavah (General Secretary) jong katei ka seng, u Dattatreya Hosabale u la ong ba katei ka jingïalang ka la bishar bniah ïa ka jingroi jong ki shakhas bad ki prokram pynphriang paidbah ha ka shispah snem.
“Ka jingdon jong ki jaka baroh kiba la ktah da ki shakhas, kynthup ïa ki shakhas man ka sngi bad ki jingïalang man ka taïew bad man u bnai, ka la poi sha ka 1,03,397 tylli. Kane ka pyni ïa ka jingdon jong ka heh sha ka jingpynïar sa 10,241 tylli ki jaka ha kylleng ka ri ha u snem ba la dap shispah snem.
Ka jingdon jong ki shakhas man ka sngi ka la kiew da na3,920. Ïa kine ki shakhas la pynlong ha ki 63,208 tylli ki jaka, ka jingkiew kaba long 8,156.
Ki jingïalum man ka taïew ruh ki la kiew da 2,600 sha ka 34,982, katba ki jingïalang man u bnai ki la kiew da 463 ban poi sha ka 14,096 ha kajuh ka por,” u la ïathuh ha ki nongthoh khubor.
