Ha ngi ki Khasi – pnar ngi ñiewkor bha ïa ka jait ka kur. Ka jait ka kur kam lah ban bat ne pynneh pynsah ïa ka tynrai ka jaitbynriew. Dei u symbai ba ioh na u shynrang uba long u kpa ki khun na kino kino ki jaitbynriew um dei ka doh ka snam Khasi. Balei nga ong, kumta dei namar ba ha ka jait ka kur jongno jongno ngi ioh symbai bapher bapher kiwei ki jaitbynriew ruh. Don ki kynthei kiba ioh tnga Bengali don kiba ioh tnga Khar Nepali, don kiba ioh tnga khar Madrasi don kiba ioh tnga phareng, don kiba ioh tnga shaina kiba ioh tnga khar Bihari kiba ioh tnga Naga, Manipur bad bun kiwei kiwei ha ka liang ka shongkha shongman. Te kine ki tnga bym dei Khasi ki ai symbai lyngba ka kmie khasi jongngi. Te ia kine ki symbai ba dei ki tnga bym dei Khasi ka dustur jongngi ki Khasi ki shim bad pdiang naduh ka dohnud kum jait ka kur Khasi jong ka Kmie. Te kine ki khun shipiah ne shiteng kim dei ka doh ka snam Khasi paka. Tang ka snam para Khasi ka dei hok ban ai ïa ka jait ka kur Khasi. Namar ka jait ka long tang ka sopti ne jrong ka bym don tynrai haei haei ruh. Te ka shongñia mo ban ai jait Khasi ïa ki khun na ki kpa bym dei Khasi ? Namar kum kine ki khun kim dei ka doh ka snam Khasi, watla la pun la kha na ka kmie Khasi ruh ne phi ong nga kren beiñ ïa ki, em, ym dei ba nga kren beiñ ïa ki nga kren ïa ka jingshisha bad nga pynpaw kum ka rukom hiar pateng ka longdoh longsnam ha baroh ki jaitbynriew ka pyrthei dei na u symbai ba ioh na u shynrang ym na ka kmie ba pun bakha.
C. B. Iawphniaw
