London, Naiwieng:
Katkum ki khubor, la ong ba ki nongtrei bad ki nongkyrshan jong ka Veeraswamy, kaba dei ka jaka bam jong ki jait jingbam na India kaba la rim tam ha United Kingdom, ki la leit ban ujor sha u Syiem Charles ba un ïarap ban pynim ïa katei ka jaka ba pawnam jong ka London, na ka jingshah pynbor ban mih noh na katei ka nongbah bad ban khang khyrdep noh shi syndon.
Katei ka jaka bam kaba don ïa ki khlur Michelin, ka don ha Regent Street, kaba don ha pdeng jong ka nongbah London. Ia kane ka jaka bam ‘Restaurant’ la plie ha u snem 1926 da u Edward Palmer, u khun ksiew jong u General William Palmer (Military & Pvt secretary to Warren Hastings – The 1st Governor General of India). Ka la ioh ïa ka jingpawnam ha ki snem kiba la leit noh, hadien ba ka la shakri ïa kiba kum u Winston Churchill, u Charlie Chaplin bad u Marlon Brando.
Ha ki phew snem, ka la nang kiew sha ka jaka ban leit sha ki jingbam ba rem dor jong ka thain India. Hynrei ka lawei jong katei ka jaka bam ka i kumba ka long kaba artatien namar ka jingïakynad kaba dang ïaid shakhmat bad u trai jaka jong ka, ka Crown Estate, ka kam khaïi jaka kaba la teh bad u syiem.
Katkum ka khubor The Financial Times, kane ka jaka bam kan leit sha kashari ha ka Sngi Palei. Ka Crown Estate ka la pyntip sha ki trai jaka bam ha u snem 2024 ba ïa ka jingaiwai jong ka yn nym pynthymmai ban pynlong kumba ka paw ïa ka “jingpynbha ba pura” ïa ka jingtei, kaba la tip kum ka ïing jong ka jingjop.
Kumba la kdew da katei ka jaka die marbam, u trai jaka u la ong ha u Ranjit Mathrani, uba dei u chairman jong ka trai jong u Veeraswamy, ka MW Eat, ba kan long kaba shngain ban pynthymmai ïa katei ka iing bad ka jaka bam, ka dang don ha ka jaka jong ka.
