Khliehriat, Naiwieng 10
Ka Chiehruphi SYWSC ka la khur jingjop ha ka ‘1st Eliminator’ jong ka lympung ïalehkai Super Division na ka bynta ka 6th Kyrmen Shylla Contribution Trophy ba la pynïaid da ka East Jaiñtia Hills District Football Association, ha ka sngi Ba-ar ha madan Diengshynrum, Khliehriat.
Kane ka nam jop ka la wan urlong hadien ba ka la pynliem noh ïa ka Shilliang Umshong SC da 2-1 kol.
Ïa kine ki kol jong ka Chiehruphi la thep ha ka kylla miet da u Evenson Lapasam ha ka minit kaba 73 bad u Nikmen Nongtdu (85). Katba ka Shilliang Umshong ka la thep ha ka kylla step lyngba u Hesmiky Rymbai (32).
Ïa ka nam Player of the Match la khur da u Hao-eme Sympli Sympli jong ka Chiehruphi.
