Shillong, Naiwieng 10
Ki Bank bad ki ophis kiba pynïaid ïa ki pisa tyngka ha kylleng ka Rilum Garo kin khang khyrdep ha ka 12 tarik u Naiwieng kum shi bynta jong ka jingrakhe ïa ka Wangala Festival.
Katkum ka hukum kaba la pynmih da u Commissioner & Secretary in-charge General Administration (A) Department ha ka sngi nyngkong, u la ong ba ka Sorkar Jylla kala pynbna ïa katei ka sngi kum ka sngi shuti hapoh jong ka Section 25 jong ka Negotiable Instruments Act, 1881.
Kane ka shuti kan kynthup ïa baroh 5 tylli ki District jong ka Rilum Garo kiba kynthup ïa ka East Garo Hills (Williamnagar), West Garo Hills (Tura), South Garo Hills (Baghmara), South West Garo Hills (Ampati) bad ka North Garo Hills (Resubelpara).
