Shillong, Naiwieng 13
Ka United Democratic Party (UDP) Youth Wing, ka la phah da ka shithi sha u Conrad K. Sangma, Myntri Rangbah ka Jylla, ban ïapynbeit noh hapdeng ka JAC bad ka Sorkar Jylla, haba ïadei bad ka Shillong Ropeway Project nalor kiwei pat ki mat ba kongsan.
Katkum ka shithi, ka UDP Youth Wing, ka la ong ba ka ai ka jingkyrshan ïa ka roi ka par, hynrei ka la banjur ba kam dei ban ktah ïa ka mariang, khamtam ha ki bynta ba don ki tyllong um. Ka la kyntu ruh ïa ka Sorkar Jylla, ba ka dei ban ïamir jingmut kaba sani bha halor kane ka mat ba ki dorbar shnong, ki syiem, ka KHADC hashuwa ban ïaid shakhmat ïa kane ka projek.
Ha kawei ka liang ka UDP YW, ka la pynpaw ruh ka jingsngewkhia halor ka jingshah pynjulor ki mar rep jong ki nongrep namar ka jinghap phria myn ha ka 11 tarik Naiwieng 2026, kumta ka la kyntu ïa ka Sorkar Jylla ban phai khmat lem bad ban ai jingïarap ïa kiba la ngat ha kum kane ka apot.
