Moscow, Naiwieng:
U President ka Russia, u Vladimir Putin, ha ka Sngi Palei u la mynjur ban ailad ïa ki nongmihkhmat jong ka Europe ban ïadon bynta lang ha ka sien kaba bud jong ka jingïakren ïasuk bad ka Ukraine, la iathuh u nongmihkhmat jong ka US, watla u nongïalam jong ka Russia u la ong ba ka America ka dei ban ïatreilang bad ki paralok jongka na Europe ban sngewthuh lada ki kwah ïa ka jingsuk ne ka thma ha Ukraine.
Kane ka sienjam ban ai jaka shong ïa ka Europe ha ka miej ïakren ha ka jingïakren kaba bud, kaba u nongmihkhmat jong ka US, u Steve Witkoff, u la ong ha ki nongthoh khubor hadien ka jingïakren, ka dei ka jingjop. Hynrei ki jingkren jong u Putin ki la pynpaw haduh katno ka jingïakren ka lah ban long kaba eh, haba kheiñ ïa ka jingïapher kaba jur bha hapdeng ka Moscow bad ki nongbah jong ka Europe.
Hynrei kum ka dak jong ka jingïakynad kaba la sdang bteng biang, u President jong ka Ukraine, u Volodymyr Zelensky – uba la khmih lynti ba u Witkoff bad u Kushner kin ïakynduh lang hapoh Dublin – u la ong ba ki jingpyrkhing ba thymmai ki ktah ïa ki satellite ba la shna da ka US ba ka Kyiv ka pyndonkam ha madan thma, bad ba u la shem ïa ka rukom treikam jong ka US ban ïakren ïa ka rukom ïada ba thymmai jong ka Russia.
U Zelensky u la pynpaw ïa ka jingsyier hadien ar sngi jong ka jingïakren lai-liang ha Abu Dhabi ha kaba sdang jong kane ka taiew ha kaba ka Ukraine bad ka Russia ki la ong ba ka la don katto- katne ka jingkiew hynrei ki jingïapher kiba khraw ki dang sah, kynthup ha kaba ïadei bad ki jaka.
