Per ki jaboh karkhana ka Byrnihat ha wah Umtrew, phah tohkit u Myntri

Nongpoh, Naiwieng 16 Ki paidbah nongshong shnong ka thaiñ Byrnihat, ka jaka kaba la pawnam halor ka jingjaboh jong ka lyer, ki la pynpaw ïa ka jingsngewkhia kaba jur hadien ba ki la sakhi ïa...

Nongpoh, Naiwieng 16

Ki paidbah nongshong shnong ka thaiñ Byrnihat, ka jaka kaba la pawnam halor ka jingjaboh jong ka lyer, ki la pynpaw ïa ka jingsngewkhia kaba jur hadien ba ki la sakhi ïa ki jaboh kiba la pynmih da ki karkhana ka thaiñ kiba la per ha sla um ka wah Umtrew naduh ka janmiet jong ka sngi U Blei tad haduh ka step jong ka sngi Nyngkong.

Kumba long mynta, ym pat ïoh satia ïa ka jingtip ba thikna kano ka karkhana kaba la pyntuid ïa kitei ki jaboh sha ka wah Umtrew.

Halor kane ka bynta, u Bah Sosthenes Sohtun, MLA bad MDC ka thaiñ uba dei ruh ha kajuh ka por u Myntri ka Sorkar Jylla, u la ujor sha ka Meghalaya State Pollution Control Board (MSPCB) bad bthah ban pynlong ïa ka jingtohkit kaba bniah bad ban lap ïa ki karkhana ba donkti ban pyntuid jaboh sha katei ka wah.