Ka dei ka Jingtynjuh ïa u MLA jong ka South Shillong Constituency mynta

Babu Kular Khongjirem Ka thma kaba nang-jur nangjur shuh shuh bad nang shyrkhei shuh shuh mynta halor ka mat (issue) jong ka jingshna ïa ka project Ropeway ha Lum Shyl-long kaba hap hapoh ka South...

Babu Kular Khongjirem

Ka thma kaba nang-jur nangjur shuh shuh bad nang shyrkhei shuh shuh mynta halor ka mat (issue) jong ka jingshna ïa ka project Ropeway ha Lum Shyl-long kaba hap hapoh ka South Shillong Consti-tuency hapoh ka jinglong MLA jong i Bah Sanbor Shullai uba la bat ruh ïa ka kyrdan kum u Cabinet Minister ha kane ka Sorkar MDA-2 hapoh ka jylla Meghalaya hapoh ka jingïalam ka NPP.

Ka jingïalang ba khot u MLA ka South Shillong ha State Con-vention Centre ban ïakren bad ïatai bniah halor ka Ropeway project ha Lum Shyllong ka la shu kut la ka kut da ka huri-hura bad khlem poi shano-shano ruh (hangs in the balance). Baroh ar mamla, kata, kiba pyrshah Ropeway hapoh ka jingïalam jong ka Joint Action Committee (JAC) bad ka kynhun kyrshan Ropeway kiba dei sha ka liang Sorkar ki la ïa pynksan ïa la ki jong ki jong ki nia (tried to justify their own arguments). Kano kaba dei bad kano kaba lait ym pat lah satia ban pynkut nia namar ka dang bteng ka jingïakhun jong ki.

Ka ju long hi ka rukom ba kano-kano ka project kaba heh (big projects) ba la leh ne plan ka Sorkar ka ju don lang beit kaba bha (advantages) bad ka jingktah (disadvantages) na kata ka jingtei ne project. Ka jingïa pyrshah paidbah ka ju jia hi man la ki jaka kylleng ka pyrthei ym tang hangne ha ri India ne Meghalaya jong ngi. Tangba, lada ki jingpyrshah paidbah (mass movement) ka jop, ka Sorkar kan hap pyndem ne pynkut noh ïa kum kita ki project. Don ruh ki project kiba jop ka Sorkar. Ka Sorkar ka rat naphang lin da ki bor pulit ne bor shipai khlem salia shuh ïano-ïano ruh. Kane ka jia kylleng ka ri India, la ha nongbah Delhi, Mumbai, Kolkata ne wat ha Assam, ka State ba don marjan bad ngi.

Hynrei kaba kham ktik eh ka dei ka kam ilekshon ha Shillong South Constituency jong i Bah Sanbor Shullai. Kiba pyrshah Ropeway ki la kynther tyngeh ban pynrem ilekshon noh ïa utei u MLA jong ki bad ban ïa jied noh da uwei pat. Katba u MLA jong ki pat (Bah Sanbor Shullai) u la kren shai lyngba ki lad pathai khubor ba kane ka project Ropeway ha Lum Shyllong kan pynlong ïa u ba un nang tam bun shuh shuh lada wan ka ilekshon ban jied nongmihkhmat (MLA) na katei ka constituency.

Ka la dei ka por ban pynïaleh ilekshon thamula (mock MLA election) noh mynta na katei ka South Shillong ha kane ka por khnang ba ngin ïa tip shai lang kdar mangi ki riew paidbah mano ba jop bad mano pat ban liem ha kane ka kam. Kiba jop ha ka ilekshon thamula (mock MLA election) na katei ka constituency ha kane ka por, kin long shisha ki nong jop ha kum kane ka mat kaba ktah matïong shisha ïa ki paidbah nongshong shnong (burning issues) jong ka ri bad ka jaidbynriew jong ngi.