Shillong, Naiwieng 17
Ka Dorbar Ki Khatphra Shnong Jatah Area ha ka 17 tarik Naiwieng 2026 ki la shim ka rai ban ym shah ïa ki trok ban ïaid kumba ar bnai namar ka jingshna pynbha ïa ka surok na Mawkynrew sha Nohron.
Haba pynbna paidbah lyngba ki lad pathai khubor, u Bah Pynskhem Mukhim u ba dei u Chairman jong ka Dor-bar Ki Khatphra Shnong Jatah Area u la ong ba na ka liang jong ka Dorbar ryngkat lang bad ki ophisar na ka tnad PWD, u Contractor bad ki nongshong shnong kiba ju im ja na ka kam tih bad shalan Mawleiñ ki la ïoh ban ïa shong pyrkhat lang ha ka 11 tarik Naiwieng 2026 ha Jatah Nonglyer bad ki la shim ïa ki katto katne ki rai ba kongsan na bynta ka jingbha bad jingbit jingbiang lang jong baroh.
Shuh shuh u la ong ba na ka jingshna pynbha ïa ka surok Mawkynrew sha Nohron, ka Dorbar ka la rai ban khang noh shwa ka jingïaid ki trok na Mynsang sha Maw-kynrew ka ban treikam naduh ka 1 tarik Noh-prah 2026 haduh ka 1 tarik Rymphang 2027 bad maham ruh ban daiñ kuna haduh shi lak tyngka lada lap ïa kiba ïaleh pyrshah ryngkat bad ban pynphai kylla ïa ki kali.
