New Delhi, Jymmang:
Ar ngut ki nong Pakistan, ïa kiba la shah suba ba ki dei kiba la donkti ha ka kam khaïi drok, ki la shah siat ïap ha ki shipai ka tnat Border Security Force (BSF) ha ki bynta jong ka India-Pakistan International Border kaba don ha Rajasthan, la ïathuh ka tyllong khubor hynnin ka sngi.
Kane ka jingjia ka la jia ha ka miet jong ka lah sngi U Blei ha ki bynta ba shakhmat jong ka Barmer, ki la ong. Kumba 3 kilo u drok la ïoh ban kurup na katei ka jaka, ki la bynrap. Ka Rajasthan ka la ïasam ïa u pud u sam lajan 1,036-km-ha khappud bad ka Pakistan ha ki bynta ba shaphang Sepngi jong ka ri.
