Istanbul, Nailur:
Katkum ka kaiphod ba la ioh lum ha ka Sngi Palei hadien ba ki tnat iarap jong ki 3 tylli ki ri- ki la ioh tam biang sa 7 tylli ki met iap, la ithuh ba ka jingdon jong kiba khlad na u ‘lapbah bad ki ‘erlangthari, ki ‘eriong kiba leit lynshop ia ka Greece, ka Turkey bad ka Bulgaria, ka la kiew sha ka 14 ngut tad haduh jong katei ka step ba la ioh ia katei ka kaiphod.
La ong ba ka jingshlei um ha ka thaiñ Northwest jong ka Turkey markhap bad ka Bulgaria ka la wanrah ia ka jingiap jong 5 ngut ki briew, ha kaba ki tnat iarap ki dang ioh tam sa 3 tylli ki metiap ha katei ka Sngi Balang bad bun tylli ruh ki iing dieng bad iing trep ki la shah rah bad julor lut.
Ki tnat iarap ki la ioh ban tam sa 2 tylli ki metiap na Istanbul ha katei ka sngi, hadien ka ‘eriong kaba khlaiñ kaba la rah bad kyndang ia bun tylli ruh ki iing bad ki jingtei bapher ha ka Sngi Ba-ar.
