New Delhi, Risaw:
Ka Municipal Corporation of Delhi (MCD) ka la buh ka jingkyrpad na ka bynta ban pyntreikam tikna ïa palat 3,000 ngut ki Domestic Breeding Checkers (DBCs) kiba dei ki nongtrei jong ka tnat ka koit ka khiah ban ïakhun pyrshah halor ka jingsaphriang jong ka jingpang ïabit na ki ‘kaiñ pyrjong ka ban long shi bynta ka jingpyntreikam ka ban pynurlong ïa ka jingdaw kaba la don da ki phew snem jong ki nongtrei kontrak.
Ka jingtyrwa na ka bynta ban pynrung kam ïa ki 3,112 ngut ki DBC kum ki Multi-Task Staff (MTS) ka la shah pyntreikam kum shi bynta ban shim ïa ka rai kaba khatduh da ka kynhun jong ki Councillor, la ïathuh ki heh sorkar kiba dei khmih halor kane ka bynta. Ha ki khyndiat snem ba la leit, ki kynhun jong ki DBC ki la pynlong ïa kiba bun ki jingïakhih, ha kaba ka jingïakhih kaba dang shen ka dei kaba la pynlong ha u Naitung jong une u snem. Katkum ka jingtyrwa ba la buh, la ong ba ka long kaba donkam na ka bynta ban pyntreikam ïa ki DBC namar ba ka jingpang kaba ïabit ba la pynsaphriang da ki ‘kaiñ pyrjong ka la nang kiew katba nang mih ki sngi.
“Ka la don ka jingnang pynduna ïa kiba bun ki nongtrei hapoh ka Public Health Department kum ïa ki Field Worker, Superior Field Worker, Food Hygiene Beldar, Well Gang Beldar naba ïa ki Multi Task Staff (PH) la dep ban weng lypa. Kum shi bynta ban pynpaw ka jingsngewkhia ha kaba ïadei bad ka jingkhmih bniah ïa ki thaiñ kiba la shah ktah jur kiba dei ban ngat hapoh ka jingpyntreikam ba la jied kyrpang, ka la paw ba la donkam ban wanrah ïa ki rukom pyntreikam kiba thymmai bad ban thungkam ïa ki nongtrei ha kine ki kam,” la ong ka jingthoh ba la phah jingkyrpad.
