Aizawl, Risaw:
Ka Andhra Pradesh High Court hynnin ka sngi ka la pyllait jamin shipor ïa u Myntri Rangbah barim jong ka Andhra Pradesh bad u heh nongïalam jong ka seng TDP u N Chandrababu Naidu na ka bynta saw taïew.
Ka mukotduma kaba long pyrshah ïa u Naidu ka la long halor ka jingshah kynnoh ba u la klop ïa ka pisa kaba la dei ban leit sha ki rukom pyntreikam ki ban wanrah ïa ki kam pynroi ha ka jyla.
U Naidu u la shahkem ha u Nailur ha kaba ïadei bad ka jingshah kynnoh klop ïa ka pisa kaba T. 3,300 klur jong ka Andhra Pradesh Skill Development Corporation (APSSDC) ha kaba kane ka kam bamsap ka la paw pyrthei ba ka la jia ha ka por ba u dang long u Myntri Rangbah jong ka Andhra Pradesh.
Ha u bnai Lber jong une u nsem, ka kynhun Crime Investigation Department (CID) jong ki pulit ka Andhra Pradesh ki la shimti ban pynlong ïa ka jingtohkit ha kaba ïadei bad kane ka jingjia.
Hadien ba la pynlong ïa ka jingtohkit, ki la don ki shithi ïa kiba la phah sha u ophisar barim jong ka Indian Railway Traffic Service u Arja Srikanth, uba la long u Chief Executive Officer (CEO) jong ka APSSDC ha u snem 2016, ha kaba ïadei bad ki jingphla ba la ai da uba la shah kynnoh donkti ha ka jingjia bad jong ki lai ngut ki IAS Officers.
