New Delhi, Naiwieng:
Ka kynhun Enforcement Directorate (ED) kawei na ki kynhun tohkit, ka la pynlong ïa kiba bun ki jingleit khynra ha kiba bun ki jaka kiba don ha Punjab hynnin ka step ha kaba ïadei bad ka jingjia jong ka jingbam pisa na ki kam khaïi drok.
Kumba la ïathuh ki heh jong ka kynhun tohkit, la ong ba ïa ki jingleit khynra la pynlong ruh ha ka jaka sah jong u MLA jong ka seng Aam Aadmi Party (AAP) u Kulwant Singh.
Ha kaba ïadei bad kine ki jingleit khynra, la ong ba ka jingpyntreikam kam dei kaba ïadei bad ka jingjia halor ki kam bamsap kiba mih na ka jingpyndkoh treikam ïa ka tnat Excise ha Delhi.
Ki jaka kiba kynthup ïa ka Mohali, Amritsar bad Ludhiana ki dei kiba la ngat ha ka jingshah khynra ha ka kynhun tohkit jong ka sorkar kmie bad ka kynhun jong ki shipai ka sorkar kmie.
Ki jaka ba la shah khynra ki kynthup ïa ka jaka sah jong u MLA ka SAS Nagar jong ka seng Aam Aadmi Party u Singh. Ka jingpyntreikam jong ka kynhun ED ka shah pynhap hapoh ki kyndon jong ka Prevention of Money Laundering Act (PMLA).
