Lucknow, Naiwieng:
Ha kaba ïadei bad sa kawei pat ka jingpyntreikam kaba la ktah jur ïa u nongïalam jong ka seng Samajwadi Party (SP) bad u MLA barim u Azam Khan, ka kynhun Myntri ha Uttar Pradesh ha ka Sngi Ba-ar ka la mynjur ïa ka jingkyrpad ban shim noh biang ïa ka jaka kaba heh kumba 41,181 phut sawdong jong ka khyndew ba la ai sha ka Maulana Mohd Ali Jauhar Trust in Rampur.
Ka jaka kaba heh kaba don ha ka dor kaba T. 100 klur ka dei kaba la ai sha ka Trust kaba hap hapoh ka jingkhmih jong u Azam Khan lyngba ar tylli ki hukum ba la phah da ka sorkar SP ha katei ka por kata ha u Nailur jong u snem 2006 bad u Rymphang jong u snem 2007 ha kaba katkum ki kyndon ba la buh la ong ba ka la hap hapoh ka jingtreikam kaba 30 snem ha ka jingshim wai kaba T. 100 shi snem.
