Srinagar, Naiwieng:
Ki pulit ki la ïoh ban kem ïa kumba 425 ngut ki nongkhaïi drok, kynthup ïa 69 ngut ki snar nongkhaïi drok, bad la buh ruh da kumba 242 tylli ki jingmudui mukotduma hapoh ka jingtreikam jong ka Narcotic Drugs and Phototrophic Substances Act ha une u snem ha Baramulla distrik kaba don ha Jammu & Kashmir, la ïathuh ki heh pulit ha ka sngi Balang.
Ki pulit ki la ong ba kumba ka long ha ka 31 tarik, Risaw, ki pulit ki la buh jingmudui da kumba 242 tylli ki mukotduma hapoh ka jingtreikam jong ka NDPS Act, ha kaba kane ka la pynlong ban ïoh kem ïa ki 425 ngut ki nongkhaïi drok, ha kaba la kynthup ruh ïa ki 69 ngut ki snar nongkhaïi drok ïa kiba la shah pynngat hapoh ka PIT NDPS bad Public Safety Act (PSA).
Ki pulit ki la ïathuh shuh shuh da kaba ong ba ïa u drok ba la lap la kurup noh. Ki pulit da ka jingtrei shitom ki la ïoh ban kurup ïa u drok ba la kot sha ki klur tyngka ïa kiba la die tuh bad ki jingdon jingem jong ki nongkhaïi drok ïa kiba la shah kurup ki la poi sha ka T. 2.3 klur, kynthup lai tylli ki ïing, lai tylli ki kali, bad ka pisa kaba la kot sha ka T. 1.2 klur ïa kaba la kurup noh da ki pulit.
Ki pulit jong ka Baramulla, hapoh ka jingtreikam ka bym shym la sangeh ki la lah ban ïakhun pyrshah ïa u drok, ha kaba ki la ïoh ïa ka jingjop, namar ka jingdon jong ki mukotduma kiba long pyrshah halor u drok ka la kham duna ha kine ki bnai ba dang shen.
