Shillong, Naiwieng:
Ka Solapur Garment Manufacturers Association (SGMA) ka la long ba la pynkhreh ban pynlong ïa ka lympung pyninam jong ka pyrthei na ka bynta ki sopti skul bad ki jaiñ ban suh ïa ki sopti skul ha Varanasi, Uttar Pradesh. Ïa kane ka lympung, la pynlong lyngba ka jingai mynsiem jong u Myntri Rangbahduh ka ri u Narendra Modi uba la kren ïa kane khyndai snem mynshwa, bad ka jingthmu ka long ban khring ïa kumba 200 tylli ki kompani kiba paw bad kumba palat 10,000 tylli ki jaiñ skul bapher bapher ne ki Design bad 20,000 tylli ki jaiñ ki nep ba la suh pynwandur ne ki Design jong ki sopti skul.
Ïa kane ka lympung pyninam yn pynlong ha Shri Kashi Varanasi Din Dayal Handicraft Complex naduh ka 16 haduh 18 tarik u Nohprah.
Ïa kane ka lympung ban pyninam ïa ki sopti kaba hynñiew ne ka 7th Uniform Exhibition, la pynlong da ka SGMA, yn pynlong ha Kashi Varanasi, Uttar Pradesh, kaba long jylla kaba heh bad kaba don shibun ki lad ki lynti ban kiew ha ka liang ka karkhana pynmih jaiñ.
Ha kane ka lympung yn don haduh palat 200 tylli ki kompani ki ban pyni ïa ki mar jong ki ha kane kajuh ka jaka.
Ki kompani kiba paw kum ka Mafatlal, Valji, Qmax, Sangam, bad Sparsh kin ïashim bynta, ha kaba kin pyni ïa palat 10,000 tylli ki jait jaiñ sopti skul ne Uniform bad 20,000 tylli ki rukom suh ïa ki jaiñ ha ki rukom bapher bapher.
Sa kiwei kiwei ki jingdonkam kum u Tie, u Panpoh, ki juti skul, ki muja, ki pla, ki Blazer, bad ki kor kiba ïadei bad ki jaiñ ruh yn sa pyni.
La khmih lynti ba kane ka lympung kan poi kumba $25 billion ha ka snem 2030.
Kane ka lympung pyninam ka long kaba kyrpang ha kaba ïadei bad ka jingshim ïa ki sienjam ban kyntiew ïa ki karkhana pynmih Uniform ha India.
