Bengaluru, Naiwieng:
U heh barim jong ka tnat pulit bad u nongïalam jong ka seng BJP u Bhaskar Rao u la pynshisha da kaba ong ba ki skhim ba la buh ha ki jingkular ban pyntreikam jong ka sorkar Karnataka ki dei kiba shu thok lait noh ka Shakti Scheme.
“Hadien ka jingleit jong nga sha Shivamogga, Tumakuru bad Chitradurga distrik, ka jingshisha kaba nga lap ka long ba ki briew ki pynpaw ba kim ju sngew shaniah ïa ki skhim ba la buh ha ki jingkular ban pyntreikam hangno hangno ruh,” u la ong.
“Kam shym la don kano kano ka jingkiew ha ka liang ka roi ka par ha ka jylla hadien ki 6 bnai ba ka seng Congress ka wan ha ka bor synshar. Kane ka jingsuki treikam ka long na ka daw ba ka sorkar kam don ïa ka pisa. Ki briew kim biang ka bording ne ka um bam-umdih. Namar ka jingeh kaba la mih nangne ka la ktah jur ïa ki, kam shym la don ka jingsam ei ïa ka bording sha ki briew kumba ki la dawa,” u la ong.
Kum shi bynta ban pynkhreh halor ki jingpyntreikam na ka bynta ka jingïakhun ïa ka ilekshon Lok Sabha 2024, ka seng BJP ka la bthah ïa ki jaka treikam bad ïa ki heh ka seng ba ki la dei ban pynïoh ha ka ban batai shai sha ki paidbah halor ki skhim ai jingmyntoi ha ka jylla.
Kumba la pynpaw hashwa, la ong ba ka seng BJP ka la don jingthmu ban ïakhun bad kyrmen ban jop ha ki 36 tylli ki konstitwensi na ki 40 tylli ha Bihar.
Ka seng halor kane ka jingthmu ka la pynlong ïa ki jingïalang na ka bynta ban ïamir jingmut halor ki jingpynkhreh na ka bynta ban lah ban pynurlong ïa ki jingthmu ba la buh ha ka ‘Mission-26’ ba la buh thong ban lah ban pyntreikam kumba la thmu da ka seng.
