Jaipur, Naiwieng:
Ka seng Bharatiya Janata Party (BJP) ha ka Sngi U Blei ka la pyllait ïa ka thup kyrteng jong ki kyrtong ki ban ïakhun ïa ka ilekshon Assembly ka ban sa wan ha Rajasthan, ha kaba ka la dep ban pynbna ïa baroh ki kyrteng jong ki kyrtong ki ban ïakhun ha baroh 200 tylli ki konstitwensi.
Ki thup kyrteng jong ki kyrtong ki kynthup, ïa ki briew kiba thymmai, kiba kynthup ïa ki nongthoh khubor bad ki heh spah. Ïa ki kyrteng jong ki kyrtong ki ban ïakhun na Shahpura, Rajakhera, Masuda bad Pipalda konstitwensi ruh la dep ban pynbna.
Ka tarik kaba khatduh na ka bynta ban pynrung kyrteng ka la long haduh ka 6 tarik, Naiwieng, kata hynnin ka sngi. Ka jingthep vote ban jied ïa ki kyrtong sha ka kynhun jong ki 200 ngut ki dkhot jong ka Rajasthan Assembly kan sa long ha ka 25 tarik, Naiwieng bad ïa ka Vote yn sa ñiew ha ka 3 tarik, Nohprah.
