Chandigarh, Naiwieng:
Ki shipai ïada khappud jong ka tnat Border Security Force (BSF) ki la lap ïa ka Drone jong ki nong Pakistan ha kawei ka lyngkha kaba don ha Firozpur distrik jong ka Punjab ha ka sngi Saitjaiñ, la ïathuh ki heh pulit.
“Ha ka miet shiteng synñia jong ka 3 bad ka 4 tarik, Naiwieng ki shipai BSF ki la lap ba la don ka jingher jong ka Drone hajan ka shnong Tindi Wala, jong ka distrik Ferozepur. Naba ka dang don ka jingtreikam jong ka kynhun shipai, ki shipai ka tnat BSF mar mar ki la leit sha katei ka jaka bad lap ïa ka jingher jong ka Drone,” la ong ka jingthoh kaba la wan na ka tnat BSF.
Ha kane ka sngi, ka la don ka jingleit thwet lehnoh kaba jur. Ha ka por ba la don ka jingleit thwet lehnoh ha ka por 3:55 janmiet, la ïohi ïa ka Drone ha kaba la lap ba ka la don ha ka lyngkha kaba don hajan Army Dhusi kaba marjan bad ka shnong, la ong ki shipai jong ka tnat BSF ha ka jingthoh ba ki la phah.
Ka Drone kaba la ïoh ban kurup ka dei ka Quadcopter jong ka Model DJI Mavic 3 Classic, la ong ka jingthoh ba la phah.
