New Delhi, Naiwieng:
U Myntri Rangbah jong ka Delhi u Arvind Kejriwal hynnin ka sngi u la pynbna ban ai tam ka pisa da T. 7,000 sha baroh ki nongtrei kiba shah kynthup ha ka Group B Non Gazetted bad Group C jong ka sorkar Delhi ha shwa ban rakhe ïa ka Diwali.
Ka sorkar Delhi ka la mang da kumba T. 56 klur na ka bynta ban pynbiang ïa ka jingai tam ka pisa ha shwa ka jingrakhe ïa ka Diwali sha ki 80,000 ngut ki nongtrei kiba shah kynthup ha ka Group B bad ka Group C employees, la ong u Kejriwal ha ka jingïakren bad ki nongthoh khubor.
U Myntri Rangbah u la ong ba ka sorkar jong u ka la ïai pyrshang na ka bynta ban ïarap ha ka ban pynïoh ïa ka jingim kaba bha na ka bynta ki nongtrei jong ka bad ha kaba ïadei bad kane ka jingthmu, la ong ba ka jingpyntreikam kan sa nang ïai bteng ha ki por ban sa wan ruh.
