New Delhi, Naiwieng:
Katkum ka kaiphot ba la ïohlum, la ong ba ha u snem 2022, ki la don baroh kumba 4,61,312 tylli ki jingjia tyngkhuh kali ba la jia ha ka ri, ha kaba 1,51,997 tylli (32.9 per cent ) ki la jia ha ki National Highways (NH), kynthup ha ki Expressways, 1,06,682 tylli (23.1 per cent ) ha ki surok bah kiba ha ka jylla, ne ki State Highways (SH) bad kiba dang sah kata ki 2,02,633 tylli (43.9 per cent) ki la jia ha ki surok.
“Ki 1,68,491 tylli ki jingjia ki dei kiba la jia ha u snem 2022, 61,038 tylli (36.2 per cent) ki la jia ha ki National Highway, 41,012 tylli (24.3 per cent) ki la jia ha ki State Highways bad 66,441 tylli (39.4 per cent) ki dei ha ki surok,” la bynrap ka kaiphot.
Ka kaiphot kaba man u snem ka long katkum ka jingïoh lum jingkheiñ ne ki jingtip ba la ïohpdiang na ki jaka treikam jong ki pulit jong ki jylla ne ki UT ha ka shi snem ha kaba ïadei bad ka jingbuh ryntih kumba la pynbiang da ka United Nations Economic and Social Commission for Asia and the Pacific (UNESCAP) hapoh ka jingtreikam jong ka Project jong ka Asia Pacific Road Accident Data (APRAD).
