New Delhi, Naiwieng:
Katkum ka jingbuh jingkheiñ jong ka Child Tracking System (CTS) la ong ba kiba bun na ki khynnah pule ha Gujarat ki la shah pynrung ha ki skul sorkar ban ïa kiba ha ki skul jong ki riewshimet khamtam hadien ba la wan lynshop ka khlam Covid.
Ka jingwan lynshop jong ka khlam ka la ktah jur ïa ki khynnah pule naba ka jingleit skul jong ki khynnah ka la duna bha, kane ka la nang ktah jur nalor ba ki la don lypa ki khynnah kiba la iehnoh shiteng por ïa ka skul. Ka jingdon jong ki khynnah skul kynthei kiba pep skul noh shiteng por ka la long 1,429 ngut ha u snem 2016-’17 ha kaba ka la long 1,330 ngut ha u snem 2020-’21.
Katkum ka jingbuh jingkheiñ jong ka CTS, la ong ba ki lajan don kumba 65 per cent na baroh ki khynnah kiba la pule ha ki 40,000 tylli ki skul sorkar ha ka jylla Gujarat. Na kine, palat 7 million ngut ki khynnah pule ki dei kiba ha ka kyrdan kaba klas 1 haduh 12. Shuh shuh la ïathuh ba ki la don palat 500,000 ngut ki khynnah kiba pule ha ki skul jong ki riewshimet ha Gujarat hapoh ka jingtreikam jong ka Right to Education Act, 2009.
Kaba kum kane ka jingduna ha kaba ïadei bad kane la ïoh jingtip ha kaba ïadei bad ka jingpynrung kyrteng jong ki khynnah kynthei ha ki skul Primary ha ki san snem kaba long naduh 41.98 lak ngut shaduh 39.80 lak ngut.
Kaba kum kane ka jingïohlum jingkheiñ ka la long ha kaba ïadei bad ka jingpynrung kyrteng jong ki khynnah kynthei ha ki skul Primary ha kine ki san snem ha kaba ka la long 41.98 lak haduh 39.80 lak. Napdeng ki 33 tylli ki distrik, ka Kutch ka la don bun eh ki skul Primary na ka bynta ki khynnah kynthei. Ha u snem 2020-’21, ka Kutch ka la don ïa kumba 132 tylli ki skul Primary ha kaba la bud da ka Surat da 115 tylli ki skul. Katba ka Aravalli distrik ka la don tang kawei ka skul na ka bynta ki khynnah kynthei. Ha kaba ïadei bad kane, ki skul Higher Education, ka jingpynrung kyrteng jong ki khynnah kynthei ka la kham kiew ha kiba bun ki jaka pule.
