Chandigarh, Naiwieng:
Hadien ba la lap ïa kiba bun ki jingduna ha baroh ki liang ha ki skul sorkar ha Chandigarh, ki bor bahalor ki la ai da ka rai ban jurip bniah ïa baroh ki skul sorkar khnang ban pyntikna ïa ka jingshngaiñ jong ki khynnah skul.
Kum shi bynta ban pyntikna ha ka ban pynsuk ïa ki khynnah skul haba ki leit sha skul, la rai ban khmih bniah ha kaba ïadei bad ka jingpynbha ïa ki surok bad ki lynti synkien ha ki skul sorkar kiba don ha Chandigarh hashwa ban plie ïa ki skul.
U UT Secretary, Education, Purva Garg, ha ryngkat u Director School Education u Harsuhinder Pal Singh Brar, u UT Chief Engineer CB Ojha bad kiwei pat ki heh, ki la leit ban jurip bniah ïa ki san tylli ki skul kumba ka long haduh mynta, ha kaba kaba kum kane ka jingpyntreikam ka la ïai bteng.
Ki heh sorkar ki la leit ban jurip ïa ka Government Middle School kaba don ha Kishangarh, ka Government High School kaba don ha Mauli Jagran, kaba dang shna mynta, ka Government High School jong ka Mauli Colony, ka Government Primary School ha Mauli Complex bad ka Government Middle School ha Pocket Number 6 ha Manimajra. Hadien ka jingbuh jingmaham ha kaba ïadei bad ka jingdon jong ki tnum da ki tin ha ki saw tylli ki skul sorkar jong ka nongbah, ka tnat ba dei khmih mynta kan sa ïai bteng ha kaba ïadei bad ka jingleit jurip sha kiba bun ki skul.
U Garg u la kren shaphang ki bynta ba kongsan jong ka pule-puthi bad u la ong ba ki la don kumba 196 ngut ki khynnah skul jong ka Government Primary School ha Railway Colony, 250 jong ka Government Primary School kaba don ha Mauli Complex bad 1,000 ngut jong ka Government High School ha Mauli Colony ïa kiba la kynriah sha ka Government High School kaba don ha Mauli Jagran ha kaba yn lah ban pyndep kham kloi ïa ka jingshna ha kitei ki skul.
Ki jingpyntreikam ha kine ki skul ki dang ïaid shakhmat ha kaba la ïaleh katba lah ban pynbiang ïa baroh ki jingdonkam na ka bynta ki khynnah skul.
Ki heh nongpynïaid skul ki la shah bthah ba ki la dei ban pynbiang ïa baroh ki jingdonkam ha ki kamra klas kiba kynthup ïa ki ben, ki shuki, ki Computer System, CCTV, ki umdih ki jingpynpyngngad bad ki RO, ki jingpyllip ding bad kiwei pat ki jingdonkam. Kine baroh ki jingdonkam ki la dei ban don hashwa ban plie skul.
