Chennai, Naiwieng:
U nongïaleh laitluid bad u nongïalam ba paw khmat jong ka Marxist u N Sankaraiah u la khlad noh hynnin ka sngi na ka daw ki jingshitom, la ïathuh ka tyllong khubor kaba la wan na ka seng CPI(M).
Une u la don ha ka rta kaba 102 snem bad u la shah sumar ha kawei ka jaka ai jingsumar jong ki riewshimet, la bynrap ka jingthoh ba la wan na ka seng.
U Sankaraiah uba la ïoh ban long MLA la lai sien na ka seng, u la long u nongïalam uba paw eh ha ka por ba la don ka jingïakhih jong ka seng Marxist ha ka ri, khamtam ha Tamil Nadu. U Myntri Rangbah jong ka jylla u M K Stalin u la pynpaw ka jingsngewlem halor ka jingkhlad noh jong u bad u la pynkynmaw kumno ba ka jylla ka la dep ban pynkup burom ïa u Sankaraiah dang shen da ka khusnam ‘Thagaisaal Tamilar’.
