Jaipur, Naiwieng:
U kyrtong jong ka Congress uba la thmu ban ïakhun na Karanpur Assembly konstitwensi jong ka Rajasthan, u Gurmeet Singh Koonar, u la khlad noh ha ka por ba u dang shah sumar ha AIIMS-Delhi, la ong ki nongïalam jong ka seng ha ka sngi Balang. Une u kyrtong u la don ha ka rta kaba 75 snem.
U Koonar uba long u MLA ba mynta na Karanpur, u la shah pynkit sha Geriatric Medicine Ward jong ka All India Institute Of Medical Sciences (AIIMS) ha Delhi ha ka 12 tarik, Naiwieng. U la khlad noh na ka jingthut treikam ki bynta ba shapoh jong ka met jong u bad kumjuh ka jingthut treikam jong u khyllai, kane ka la paw katkum ka jingkhmih bniah na ka Death Certificate ba la ai da ka jaka ai jingsumar. U la shah ktah ruh na ka Hypertension. Ka jingthep vote na ka bynta ban jied ïa ki 200 ngut ki dkhot jong ka Rajasthan Assembly kan sa long ha ka 25 tarik, Naiwieng.
