Dehradun, Naiwieng:
Ki heh ba dei khmih ha kaba ïadei bad ka jingpyllait im ïa ki briew kiba la sahkut ha ka jingtwa, ki la pyndonkam da ka kor tih bad ksam kaba thymmai bad kaba donbor ha ka jingpyrshang jong ki ha ka sien kaba lai ban ïarap pyllait im ïa ki 40 ngut ki nongtrei kiba la sahkut hapoh ka jingtwa kaba la rben haduh kumba 70 metre hapoh ka lynti krem kaba jrong da kumba 4.5km ha Uttarkashi distrik jong ka Uttarakhand.
Kine ki nongtrei ki la sahkut hapoh ka jingtwa da palat 100 kynta hapoh ka lynti krem kaba la twa. Kumba la ïathuh ki heh jong ka National Highways and Infrastructure Development Corporation Limited (NHIDCL), la ong ba la pyndonkam na ka bynta ban tih bad ksam lyngba 9 metre ha ki hynriew kynta ka jingpyntreikam kaba la sdang ha ka por 10.30 jong ka step sngi Palei. Kumba la ïathuh ka NHIDCL, la ong ba kan sa donkam ban shim por sa kumba ar sngi na ka bynta kane ka jingpyntreikam ha ka ban ksam bad tih ïa katei ka jingtwa shaba don ki nongtrei kiba la sahkut.
