Ranchi, Naiwieng:
Ki la don kumba lai ngut ki pulit kiba la shah weng kam shipor halor ka jingbym lah jong ki ban ai ki lad jingïada ha ka por jong ka jingleit jngoh jong u Myntri Rangbahduh u Narendra Modi sha Ranchi, la ïathuh u heh puilt. Kane ka jingshah pynshitom jong kine ki pulit ka la long hadien ba la jia ka jingjia ka bym poi pyrkhat ba kawei ka briew ka la mareh bad leit hakhmat ka kynhun ïada jong u Myntri Rangbahduh ha ka por ba dang don ha lynti ban leit sha Bhagwan Birsa Munda Memorial Park-cum-Freedom Fighter Museum ha ka step jong ka sngi Balang, la ïathuh u heh pulit.
Ïa katei ka briew la leit ban kem noh da ki pulit pahara kiba la shah bynshet ban pahara na ka bynta u Myntri Rangbahduh bad ïalam ïa ka sha ka jaka treikam jong ki pulit. Ki pulit kiba la shah weng kam shipor ki kynthup ïa u ASI Abu Zafar, u Constable Chotelal Tudu bad u Constable Ranjan Kumar. Katba ka briew kaba la leit tur sha ka kynhun ïada jong u Modi ka dei kaba la tip kyrteng kum ka Sangita Jha, kaba la ong ba ka jingleit tur jong ka hakhmat katei ka kynhun ka long ba ka shah pyndik ha u kurim bad kwah ban buh jingmudui pyrshah ïa u, la ïathuh ki pulit.
