Ha ka jingïohi bad ïohsngew jong nga na ki khlieng ka tyngab kum u riewpaidbah halor ka jingshah rem ki kyrtong ka Meghalaya Democratic Alliance (MDA) ha kane ka elekshon M. P. ba mynta ka dei na ka jingwanrah ïa ka aiñ ka Assam Healing (Prevention of Evil) practice Act, 2024 kaba la mynjur da ka sorkar Assam. Ki paidbah ka Meghalaya, Mizoram, Nagaland bad Manipur ki sngew pyrshah ïa kane ka Aiñ kaba ki shim ba ka ktah ïa ka jingngeit niam khamtam ïa ngi ki Khristan jong kino kino ki Jylla. Dei na kane ka daw jong kane ka Healing (Prevention of Evil) practice, Act, 2024 kaba ki paidbah ki kyntait ïa ki kyrtong ka MDA. Ban shim ba ki kyntait na ka daw ka bamsap (Corruption) bad kiwei kiwei ki jingkynnoh kim da long kiba shisha. Kane ka long ka jingsngew jong nga nangne-nangtai.
C. B. Iawphniaw
