Ngi ki briew lyngba ki jinghikai niam bapher bapher phin iohsngew ba ki don ki briew kiba riewblei bad ki bym riewblei. Kiba im riewblei ki dei ban long kiba im tip briew tip Blei bad kiba leh ki dei ban long kiba im tipbriew tip Blei bad kiba leh ki kam babha, katba ki bym riew blei pat ki dei kiba im ha ka jinghikai niam. Kiba im ha ka jinghikai niam ki long kiba smat ban leit sha ki jingïaseng bad kiba trei ki kam Mission ban shakri ïa u Blei.
Ki khot pynlong ki jingïaseng bad ki leit ïalap ha kylleng ki jaka ban pynsngewthuh ïa ki briew ban phai sha ka jingkylla kaba mut da kaba pynïasoh ha ki balang. Kiba im riewblei pat ki long kito ki briew kiba leh ki kam babha, kiba leh sbun bad ki bym bishni bad pihuiñ ïa ki para briew. Ka jinglong bad ki kam kiba im riewblei bad ki bym riew blei ka long kaba lah ban thew tarajur ïa ki kam bad ki jingioh ha ki jingïadei para briew. Katba kiba im riewblei ki long kiba don ka mynsiem sngewrit bad kiba pdiang ïa ka jingshisha hynrei ki bym riewblei ki long kiba sngew hok, kiba sngewsarong, kiba hangamei bad ki im ka bishni pihuiñ para briew.
C. B. Iawphniaw
