Ha ka jingiohi jong nga kum u riew paidbah halor kan e ka jingïatrei lang kine ki ar seng. Kano kano ka jingïatreilang tang da ka rmiang shyntur kam ju neh bad ka pait ka pra noh tang shiteng por. Haba ia trei lang ha kano kano ka elekshon ki seng saiñ hima sima ym dei ban ïatrei lang khlem pynduh ïa ki shap jong ka parti. Dei ban pynduh noh ïa ki shap jong ki parti ai noh da kawei ka symbol kein. Kata ki paidbah ki lah ban ngeit bad shaniah. Hynrei ka jingïatrei lang hapdeng ka seng HSPDP bad ka UDP ki khlem pynduh ïa ki shap ki pynïaleh da u symbol ka UDP ha kane ka elekshon MP ba la dep. Kumno kein ngin shaniah ïa kata ka jingïatrei lang jong kine ki ar parti ha ka kyrteng kata ka Regional party (RDA). Kane ka long tang ka buit pynbiej ïa u paidbah keiñ. Kumta u dei hok ba u kyrtong kine ki ar seng u ioh duna palat ka jingïoh vote namar ki paidbah kim shaniah ia ka jingïatreilang jong kine ki ar parti riewlum hapoh Ri Khasi – Jaiñtia na ka kyrtong ka R. D. A.
C. B. Iawphniaw
