Ka jaid ne ka kur ka dei tang ka kyrteng, katba ka doh ka snam bad u symbai u ïapher hapoh ka jait. Kum ka nuksa ki don saw ngut shipara kynthei na kajuh ka kmie ka jaid ‘A’ kine shipara kynthei ki ïa ïoh tnga kawei ka ïoh ïa u para Khasi, kawei ka ïoh ïa u Nepali. Kawei ka ïoh ïa u Bihari bad kawei ka ïoh ïa u Negro na Africa.
Te ki khun jong kine baroh ki ai jait sha ka kmie Khasi ka jait ‘A’ Ka khun u Nepali ka ai jait Khasi na ka kmie Khasi. Ka khun Bihari ka ai jaid na ka kmie Khasi. Ka khun u Negro ruh ka ai jaid ha ka kmie ka jait ‘A’. Ka khun jong u Khasi ruh ka ai jait kmie. Kine baroh ki ai jait sha ka kmie namar ki shim jait na ka kynthei ne ka kmie.
Katba u symbai bad ka dur ka dar ka ïapher namar uwei u ioh symbai Nepali, uwei u ïoh symbai Bihari bad uwei u ioh symbai Negro. Kine ki la ai jaid sha ka kmie hynrei u symbai bad ka jinglong ka ïapher sha bneng bad ka khyndew. Te kine baroh ki ïadei na ka juh ka jaid jong ka kmie Khasi. Katba ka jinglong bad u symbai ka ïapher kumba ïapher ka mihngi ne ka sep-ngi.
Namarkata ka jaid ka long tang ka kyrteng ne ka snep dieng hynrei ka jinglong jingim ka ïa jngai bad ïaid la ka jong kum ka umphniang bad ka um. Kumno keiñ ïa ki khun ki kpa bym dei Khasi yn ai jaid Khasi – pnar ?
Ka bym ïa hap lano lano ruh ban ai jaid Khasi ïa ki khun bad ka snam bym dei Khasi. Wat la ngi shim jaid na ka kmie makna ?
C. B. Iawphniaw
