Naduh ka Sunday kaba long ka sngi nyngkong jong ka taïew haduh ka sngi saitjain ne ka saturday ki long ki sngi jong baroh ki jaitbynriew ha satlak ka pyrthei. Ym don ka sngi kyrpang jong kano kano ka niam. Ka sunday kam dei ka sngi kyrpang tang jong ka niam khristan, kumjuh ka Friday ruh kam dei ka sngi kyrpang jong ka niam Musulman (Muslim). Ka saturday ne ka Sabbaton ruh kam dei ka sngi kyrpang jong ka Balang Seven day. Ha kine ki sngi baroh jong ka tiaw ka bit ban leh bha bad ban trei ban ktah, ban pynlong ki kynja Festival bapher bapher ban pynlong ki jingïaseng ïalap bad duwai ïa u Blei, ban pynlong ki jingïalehkai bapher bapher bad ban pynlong elekshon ban jied ïa ki nong-thaw ain ki ban synshar ïa ka ri. Kam don kano kano ka jingmang kyrpang ïa kano kano ka jaitbynriew ne jaitniam namar baroh ki long ki sngi jong u Blei nongthaw nongpynlong ïa ka pyrthei bad ïa kiei kiei kiba don ha ka. Kane ka long ka jingsngewthuh jongnga ba kwah ban wad ïa ka jingshisha.
C. B. Iawphniaw
