Ngi ki paidbah ka ri Khasi – Jaiñtia ngi ud ba donkam surok eh ha kylleng ka Bri u Hynñiewtrep. Hynrei haba ki bor ba dei peit ïa ki surok ki leit shna pynbha (Repair) bad leit puh surok thymmai ruh ki don kiba wohdong bad kdew pyrshah ba ki tih tang dep rukom. Kumno keiñ kin tih tang dep rukom haba ki ju trei pynbha surok na ka por sha ka por ha kylleng ki thain bapher bapher ka ri Khasi – Jaiñtia. Haba shna surok dei ka jingmyntoi bad ka kam pynroi jongngi ki paidbah. Kumta dei ban shna katkum ka plan ba la mait phang da ki Engineer ka P. W. D. (R) ym ban shu tih khlem plan. Haba ka sorkar ka thmu ban shna surok ngim dei ban ujor ne wohdong khlem pynshong nong-rim ïa ka jingshna ïa ki surok kaba kumno. Hato ki shna pynbha ïa kane rim ne ki puh surok thymmai hap ban da wad jingtip na ka P. W. D. (R) Department khnang ba kan ym don ka jingleh torti haba shna surok. Ki kontractor ki dei ban shna katkum ka jingai jingbit na ka P. W. D. (R) ym ban shna surok katba mon. Ngi ki paidbah ngi dei ban pdiang sngewbha haba wan shna surok na ka bynta ka jingbha ka ri bad ka jaitbynriew bad ka ai jingmyntoi jong ki shnong ki thaw ha kylleng ka ri Khasi – Jaiñtia. Ngim dei ban pyrshah ïa ka jingshna ïa ki surok ha kylleng ka Bri u Hynñiewtrep. Namar ka surok ka dei ka/u budlum ka ioh ka kot jong-ngi ki paidbah nongshong shnong.
C. B. Iawphniaw
