Lucknow, Kyllalyngkot:
Katkum ka jingkheiñ jong ka tnad ja koit ka khiah, la ong ba la don kumba 950,000 ngut ki briew ki la wad jingsumar ha ka Out-Patient Department (OPD) jong ki tnad sumar pang jong ka sorkar ha ka por naduh ka 1 tarik, Ïaïong, 2024, haduh ka 31 tarik, Nohprah, 2024, haba ïanujor bad kajuh ka por ha u snem 2023.
Ka jingleit jong ki nongpang ha ki jaka sumar ruh ka la kiew kumba 18,788 ngut ha ka por ba la kdew haneng ha u snem 2024 haba ïanujor bad ka por ba ïadei ha u snem 2023.
Ki jingkheiñ ki kynthup ïa kito kiba la poi ha ka tnad OPD bad IPD jong ka MMG District Dospital, District Women’s Hospital, Sanjay Nagar Combined District Hospital, ki jaka sumar paidbah ha Loni, Modinagar, Bhojpur, Bamheta, bad Dasna, nalor ki Urban Primary Health Centres bad ki Urban Health and Wellness Centres.
Katkum ka jingkheiñ jong ka tnat ka koit ka khiah jong ka distrik, ki don 2,156,244 ngut ki nongpang kiba la leit sha ki OPD jong ki jaka treikam bapher bapher jong ka sorkar ha ka por naduh ka 1 tarik, Ïaïong, 2023, haduh ka 31 tarik, Nohprah, 2023, bad ka jingdon ki la kiew sha ka 3,115,170 ngut ha katei kajuh ka por ha u snem 2024, kaba long 629 ngut. Ki nongpang OPD.
Kumjuh, ki don 51,547 ngut ki nongpang IPD kiba la pynrung kyrteng ha ka por ha u snem 2023, bad ka jingdon ka la kiew sha ka 70,335 ngut ha u snem 2024.
Ki heh jong ka tnad ka koit ka khiah jong ka distrik ki la ong ba ka jingkiew jong ki nongpang lah ban pynshong nongrim ha ka jingpeitngor kaba kham bha bad ka jingpynbun ïa ki lad jingïarap.
“La pynïar ïa ki jaka sumar sha Dundahera bad Loni da kaba plie ïa ar tylli ki hospital thymmai kiba don 50 tylli ki jingthiah kawei kawei. Kumba 84 tylli ki jaka sumar bad jingkoit jingkhiah ha sor ruh ki la sdang treikam, bad kumba 55 ngut ki doktor thymmai ki la ïasoh ha ki bynta bapher bapher jong ka jingsumar. Kumta, kine baroh ki la ktah ïa ka jingkiew jong ki nongpang kiba wan ban ïoh ïa ki jingshakri jong ka sorkar ha ka liang ka koit ka khiah,” ong u Dr Rakesh Gupta, u ophisar ba peitngor ïa ka distrik.
Ki nongshong shnong ki la ong ba ka don ka lad kaba khraw ban pynbha ha ki jaka sorkar.
“Ki jingshakri hangta ki long kiba biang tang na ka bynta ki jingsumar ba man ka sngi. Kiba bun ki nongpang bad kiba pang ba shitom ki dang shah phah sha ki hospital ha Delhi. Kiba bun ki nongpang kiba leit sha ki jaka sumar sorkar ki dei kito ki bym lah ban siew ïa ka bai sumar kaba heh bha,” ong u Himanshu Mittal, u Councillor barim na Kavi Nagar.
“Wat hadien ka jingdawa kaba bteng da ki snem, ki jaka ba sha shiliang ka Hindon ki dang duna ïa ka jaka sumar distrik. Ki nongshong shnong hangne ki shaniah shibun ha ki jingshakri jong ki riew shimet, kiba wan ha ka jinglut kaba heh. Lada uwei u rai ban leit sha ka jaka sumar sorkar, u nongpang u dei ban long uba la pynkhreh ban ïakynduh ïa ki laiñ kiba jrong bad ka jingbym thikna shaphang ka jingdon jong ki dawai/Test kiba donkam bad ki nongtrei ruh kumjuh. Kumta, ki nongshong shnong kim don lad shuh lait noh tang ban leit sha ki jaka sumar jong ki riew shimet” ong u Mohan Sangwan, u nongshong shnong ka Indirapuram.
Ki heh jong ka tnad ka koit ka khiah ki la kam ba ki don ki jingeh bad ki jingduna ha ka jingsumar kiba donkam ban pynbeit kloi katba lah.
“Ngi dang donkam ïa ki jaka ban ïakhun ïa ki jingpang ba saphriang bad ki nongpang kiba donkam ïa ka jingsumar kaba jur. Kiba bun na kum kine ki case ki phah sha Delhi. Ki jaka sumar ba kyrpang ruh ki donkam ban treikam nalor ka jaka sumar ba la pynmynsaw. Ngi don ka jaka MRI kaba la mynjur bad ka donkam ban wan stet. Ngi khmih lynti ruh ïa ka Satellite Centre jong ka AIIMS, bad kane kan ïarap ruh ïa ki nongshong shnong ha ki thaiñ Hindon. Ka jaka sumar ba shitom kaba don 100 jingthiah ka dang wan ha ka hospital MMG, bad donkam ban pynsted ïa ka”, la ong u Dr Gupta.
